دا کتاب د حبقوق نبي له خبرو څخه پیل کیږي. هغه د یهودا خلکو ته وکتل. او هغه څه چې هغه ولیدل هغه خپه کړ. هغه شاوخوا وکتل او ولیدل چې خپل خلک د خدای پیروي نه کوي. هغوی د خدای خبرو ته د پیغمبرانو له خولې غوږ نه نیوه*. هغوی د خدای قانون نه مراعات کاوه. ډېر خلک په شیطاني* لارو عمل کاوه. نو حبقوق خدای ته غږ وکړ. له خدایه یې وپوښتل چې ولې یې دا اجازه ورکړې؟ هغه غوښتل پوه شي چې خدای کله په دې اړه څه کوي.

 

موږ نه پوهېږو چې حبقوق څه ولیدل. ایا دا د خپلو خلکو ګناه* وه؟ که دا د یوه بهرني دښمن ظلم و؟ خو موږ پوهېږو چې هغو خلکو ته چې غوښتل یې د خدای پیروي وکړي ښه پام نه و شوی. نو خدای ته یې شکایت وکړ. تر کله به اجازه ورکوی چی ستا خلک ځوریږی؟ تر کله به دې بدو خلکو ته اجازه ورکوی چی بد کارونه وکړی مخکې لدې چی هغوی ودروی؟

 

خدای د حبقوق چیغه ودروله او هغه یې اجابت کړ. خدای په اصل کې وویل: «یو کار په حال کې دی چې ډېرو به یې په اورېدو باور ونه کړي». [۱] خدای له حبقوقه وغوښتل چې هغه څه چې یې لیدل په دقت وګوري. خدای له مخکې نه په کار بوخت و. خدای په هغه وخت کې یو کار کاوه او په راتلونکي کې به هم یو کار کوي. حتی کله چې حبقوق هغه نشو لیدلی، خدای په کار بوخت و.

 

بیا خدای وویل چې «کار» یې څه به وي. خدای به د خلکو ګناه* دوام ته اجازه ورنه کړي. هغه غوښتل چې د حبقوق پر خلکو یو لوی او وحشتناک لښکر ولېږي. دا هغه لاره وه چې هغه به هغوی د بدیو لپاره چې یې کړې وې قضاوت کاوه. [۲] خو حبقوق له دې خبرې خوښ نه شو. شاوخوا قومونه د یهودا له خلکو بدتر و. خدای څنګه کولی شي چې د هغو خلکو له لارې چې د یهودا له خلکو شریرتر وو هغوی مجازات کړي؟

 

خدای ځواب ورکړ هغه ته وویل چې بد خلک* او ځواکمن قومونه به راځي او ځي. خو خدای مراقب و چې هغوی به د خپلو بدو اعمالو مزد ترلاسه کړي. [۳] خدای یو وخت ټاکلی و چې د ډېر جلال سره به راځي او د هغو کسانو لپاره به نجات* راولي چې پرې باور کوي*. کله چې حبقوق دا واورېدل، نه یې غوښتل چې د خدای وخت ته انتظار وکړي. هغه له خدایه وغوښتل چې دا کار په خپل وخت کې وکړي.

 

«ای خدایه، زه ستا له کاره حیران یم. هغوی په خپل وخت کې پورته کړه، په خپل وخت کې هغوی وپیژنه.» [۴]

 

حبقوق له خدایه غوښتل چې په هغه وخت کې عمل وکړي. خو وروسته له دې چې خدای ورسره خبرې وکړې، هغه حاضر و چې «صبورانه انتظار وکړي» [۵]، ځکه چې خدای د هغه قوت و. خدای د هغه خوښي وه. [۶] د کتاب وروستۍ درس د خدای د خلکو لپاره دی. هغوی باید صبورانه د خدای انتظار وکړي*. خدای په اوس کې په کار بوخت دی. مؤمنان* کولی شي د هغه لاس د هغو پېښو په اړه وګوري چې په هغوی پورې اړه لري. د هغوی وظیفه دا ده چې د خدای ټاکلي وخت ته انتظار وکړي او د هغه له نجات څخه خوند واخلي*.

 

لکه څنګه چې د ډېرو پیغمبرانو خبرې* دي، دا د حبقوق د وخت خلکو لپاره پیغام و. خو دا د راتلونکي خلکو لپاره هم پیغام و. لوقا د خدای له خبرو څخه د حبقوق په اړه استفاده وکړه. هغه وویل چې دا «کار» چې خدای یې کاوه، د مسیح* د راتګ او د هغه د صلیب* پر مرګ هم خبرې کولې. [۷]

 

د کتاب یو له مهمو برخو څخه په همدې کلمو کې دی. «عادلان* به په ایمان ژوند کوي.» [۸] هغه خلک چې د خدای لپاره ژوند کوي باید په هغه باور وکړي. د نوي عهد لیکوالانو* دا ښه درک کړه. له همدې امله یې په خپلو لیکونو کې له دې آیت څخه استفاده کوله. [۹]

 

[۱] حبقوق ۱: ۵

[۲] حبقوق ۱: ۶-۱۲

[۳] حبقوق ۲: ۵-۱۹

[۴] حبقوق ۳: ۳-۱۵

[۵] حبقوق ۱۵:۳ ب

[۶] حبقوق ۱۸:۳

[۷] اعمال ۴۱:۱۳

[۸] حبقوق ۴:۲

[۹] د رومیانو ۱۷:۱ مراجعه وکړئ. غلاطیان ۱۱:۳; عبرانیان ۸:۱۰