پولس دغه لیک د تسالونیکې خلکو ته ولیکه. هغه دا د لومړي لیک تر لیکلو وروسته ولیکه. هغه د ډېرو کلیساګانو خلکو ته د تسالونیکې خلکو په اړه ویلي وو. هغه هغوی ته وویل چې څنګه یې یو بل سره مینه کوله او څنګه یې قوي ایمان درلود. دا اسانه نه وه، ځکه چې دوی ډېر کړاوونه ګاللي وو. ځینو خلکو په هغه ځای کې له مسیحیانو سره ښه چلند نه کاوه. هغوی ډېر ظالمانه کارونه ورسره وکړل. خو هغه خلک چې د عیسی پیروان وو، نه تسلیمېدل. کلیسا* لا ډېره قوي کېده.

 

پولس وویل چې خدای به دوی هېره نه کړي. هغه به هغه خلک سزا کړي چې دوی یې کړولي وو. خلکو د عیسی د بیرته راتګ په اړه پوښتنې کولې. ځینو خلکو ویل چې عیسی لا دمخه ځمکې ته راستون شوی دی. خو پولس هغوی ته وویل چې دا سم نه دی. د عیسی د راتګ نه مخکې، یو بد انسان به راشي. دغه بد انسان به له عیسی او د هغه له پیروانو سره مخالفت وکړي. خو خدای به د خپلو خلکو ساتنه وکړي. نو هغه خلک چې په خدای باور لري، باید اندېښنه ونه کړي. عیسی به په راتلونکي وخت کې راستون شي.

 

کله چې عیسی راستون شي، له خپلو فرښتو سره به له آسمانه* راځي. هغه به هغو خلکو ته چې په هغه باور لري، آرامي* راوړي. خو هغه به هغه خلک سزا کړي چې په هغه باور نه لري. او هغه به هغه خلک تباه کړي چې له هغه سره مخالفت کوي. نو دوی باید ښه ژوند وکړي تر څو د عیسی د راتګ انتظار وباسي. خدای دوی د خپل ځان لپاره غوره کړي دي. [۱] نو دوی باید ټینګ ودرېږي. [۲] دوی باید تل هغه څه په یاد ولري چې پولس هغوی ته ویلي دي.

 

هغه همدا راز له خلکو غوښتنه وکړه چې د هغه لپاره دعا وکړي. هغه غوښتل وویني چې ډېر خلک هم د دوی په څېر باور ولري. نو له هغوی یې وغوښتل:

 

ورونو او خوېندو، زموږ لپاره دعا وکړئ. دعا وکړئ چې د خدای پیغام* په چټکۍ سره خپور شي. دعا وکړئ چې نور خلک هم د تاسو په څېر د هغه درناوی وکړي. او دعا وکړئ چې موږ له بدو خلکو* خلاص شو. نه ټول خلک مؤمن دي*.» [۳]

 

پولس همدا راز هغوی ته وویل چې په انتظار کې سخت کار وکړي. هغوی باید تنبل نه وي. هغوی باید له نورو خلکو خواړه وانه خلي. بلکې هر سړی باید د خپلې کورنۍ لپاره اړین خواړه برابر کړي.

 

«هغه څوک چې کار نه کوي، نه دې خوراک کوي.» [۴]

 

پولس په دواړو لیکونو کې هغوی ته یادونه وکړه چې کله هغه ورسره و، څومره سخت کار یې کاوه. [۵] هغه د هغوی پیسې نه غوښتلې. هغه کار کاوه تر څو هغوی ته ستونزه جوړ نه کړي. نو هغه غوښتل چې هغوی هم سخت کار وکړي.

 

[۱] دویم تسالونیکیان ۱۳:۲-۱۴

[۲] دویم تسالونیکیان ۱۵:۲

[۳] دویم تسالونیکیان ۳: ۱-۲

[۴] دویم تسالونیکیان ۱۰:۳

[۵] لومړی تسالونیکیان ۹:۲؛ دویم تسالونیکیان ۳: ۸